في ملامحها ملامح وجه

[النادر]

كان ياما كان , , في سالف ( عصور العاطفه )
كان فيه ( انسان ) واقف بين همه , , والرصيف

وكان فيه هناك - تحت السور - طفله واقفه ! !
لونها بالحيل شاحب , , والرضاء كسرة رغيف

في ملامحها ملامح وجه (( ضد العاصفه ))
فيه هـم , , وفيه ( شي ) الله اكبر , , يالطيف

كان ( توَ الوقت ) , , ( ظل الشي ) توَه ناصفه
والظهيره , , حرها قاسي على الحال الضعيف

هزتـه وقفة هموم(ن) - خلفها - متراااااااصفه
والزمن كنه يصفصفها على الصف ويضيف

راح صاحبنا , , وجاها , , ثم كانت ساااالفه
بين نضرات البراءه , , وانكسارات الشريف

قال : - والهامه حناها - يا ( الخدود الناشفه )
ليه ياوجه الطفوله ! ! , , ليه يالقلب العفيف !

ليه ما أنتي - في ربيع الوقت - وردهـ وارفه
ماخبرت الورد يذبل , , غير في فصل الخريف

استدارت , وأهمست - بشويش - قالت : عارفه
بس أنا حظي كفيف , , وبنت رجال(ن) كفيف

عشت في حضنه وأشوفه , , بس ! ماني شايفه
( في عيونه ) كيف تضحك عين لاشافت وليف


( اّ اّ اّ هـ ) - قالتها - وقالت : اني حالفه
لو يفدَى بالنظر , , لـ أفداااه والخاطر نظيف

التفت فيها , , , وقال : - ودمعتينه ذاااارفه -
توي ادري إن - كل أنسان - لهمومه ( رصيف )

[الحر النداوي]

صح لسان شاعرها وتسلم يمينك على النقل

لاهنت يا المهاجر

[البرقاوي]

ابيات رائعه

تسلم يمينك على النقل

[سفير المقدام]

شكرا لك
يعطيك العافيه

[غرنوق]

صح لسان شاعرها وسلمت يمينك يالشاعر
ابيات في قمه الروعه
لاعدمناك ابوي

[النادر]

اسعدني مروركم كثيرا

الله يعطيكم الف عافيه

لا خلا ولا عدم